رقم صيانة فيليبس ت/01284817088

نبدأفى رحلة الشرح لاجهزة ال Lcdمن كل النواحى

نبدأفى رحلة الشرح لاجهزة ال Lcdمن كل النواحى الفنيه والتقنيه بعد ان استوفينا الشرح كاملا عن الشاشه ومكوناتها ونظرية عملها ندخل على الدوائر من الخلف للامام اى مابعد الشاشه مباشرة
سالنا من قبل هنا عن دائرة ال INVARTER
مجرد سؤال طرحناه وكانت الاجابه عليه مقتضبه واليوم نبدأبها شرح دوائرنا المختلفه لجهاز ما والمطلوب من حضراتكم التعليق بالايجاب او السلب على الشرح واضافة اى معلومات عليه تنفع الشرح وتظهر بوضوح مدى اهمية هذه الدائره حتى نجمع احسن وضع للشرح لهذه الدائره ونعلق عليه وندونه فى موضوعنا الثانى قفزه الى الامام
INVARTER

تعرفنا على شاشة ال LCDبعد قراءة ماسبق بعنايه والان نتعرف على دائره من اهم دوائر اجهزة ال LCDوهى دائرة ال INVARTER ولكى نتفهم نظرية عملها يجب اولا ان نتعرف على شيىء مهم وهو معنى الاضاءه الخلفيه للشاشه BACKLIGHT والتى يقوم بها عدد من الانابيب الرقيقه و المشعه للضوء(لمب)
انظر الشكل
بحيث تخلق جميعها كميه مستويه من الضوء على كل انحاء الشاشه و تتفاوت عدد هذه الانابيب على حسب مقاس الشاشه .. ولكل انبوب من هذه الانابيب دائرة ال INVARTER الخاصه به

ودائرة ال INVARTER كما ترون فى اقصى يسار (الشكل الاول) يصلها عددثلاث مداخل من الميكرو كمبيوتر (MI-COM) للتحكم فيها
المدخل الاول دائرة ال ON/OFF وهى دائره تعمل بالفولت ال5فولت والغرض منها طبعا غلق اوتشغيل ويجب قياس ال5فولت عند تشغيلها ON
المدخل الثانى اشارة ال PWM وهذه الاشاره هى التى تسيطر على الاضاءه الخلفيه للشاشه بنسبه معينه
المدخل الثالث اشارة ال ANALOG DIM وايضا وظيفتها التحكم بالاضاءه الخلفيه بمستوى الفولت لهذه الاشاره
كما يصلها ايضا الفولت الخاص بالتشغيل والذى يحول من فولت DCالى AC وهنا فى هذه الدائره التى ندرس عليها يحول من جهد16فولت DCالى جهد عالى 900فولت AC طبعا بواسطة دائرة ال INVARTER
ويوجد بعض الاجهزه تستخدم بوردتين منفصلتين من الانيفرتر بورده لمنتصف الشاشه والاخرى للنصف الاخر وهذ يظهر عند تعطل احداها وتجد نصف الشاشه مظلم والنصف الاخر مضيىءوهذا ماسنذكره بتفصيل

LCD
زى متعودنا مع بعض قبل كل حاجة لاازم نعرف الشاشة دى بتتكون من اية فى اللاول
صيانة شاشات
1 الباور صبلاى
2 ماذر بورد الشاشة
نبدا باول حاجة

الباور صبلاى
مكدبش عليكم الباور صبلاى دا هوا زى المحرك بتاع العربية كدا اهم حاجة فى اليلة دى كلها
وعلى فكرة الباور صبلاى هتلااقية فى كل حاجة حتى فى الساعة بتاعتك وحتى فى السفن الحربية وسفن الفضاء وكلو تصميم واحد مفيش اى اختلاف الا فى اللاحجام بختصار هوا فكرة واحدة واشكال كتير
اللاعطال اللاكترونية كلها بنسبة 95 فى المية بتكون من الباور صبلاى
يعنى حضرتك لو اتعلم صيانة الباور هتبقا اتعلم 90 فى المية من اللاعطال اللالكترونية كلها

الموضوع دا بقا بزات مينفعش فية كروتة يعنى لاازم اشرح بلتفصيل للانو كل حاجة فية مهم
هنبدا كدا فى اللاول
اول حاجة نتعلمها ازاى تفتح شاشاة
LCD
مفك رفيع ومسطح هتقلب الشاشة على وشها طبعا هتكون حاطط قماشة عشان الشاشة متتجرحش وبكل حرص هتجى من كل جمبك وتفتح بلمفك اول مهتفتح الشاشة ههتلاقى غطا من معدن متثبت بمسامير الى هوا بيركب فية كبل الباور هتشيل الغطا وهي دى اهم حاجة لوحة باور صبلاى اما بنسبة للشاشة هتلااقى الوحة بتاعتها فوق لاازقة فى الشاشة
الشاشة طبعا نضام كبس يعنى بس اهم حاجة متجرحهاش عشان الزبون ميجلكش بعد كدا يبقلشك و يقلك كنت جيبهالك جديدة وتعدو تغنو على بعض
وهيا تلاقيها كفر خارجى اصلا مش شاشة الى عامل عليها القصة
المهم
انا هبقا احاول ارفع فيدوهات عملى بازن الله

نرجع لموضوعنا المهم الباور صبلاى
الباور صبلاى بيتكون من
1 مكثفات
2 دايود
3 ثنائى زينر
4 ترانزيستر
5 فيوز
6 مقاومات شبكية وكربونية
7 دائرة التوحيد
IC
8 ملفات
9 محولات
فل كدا اوى
نبدا باول حاجة ونعرف اما بتعطل بتسبب اية
على فكرة يا جماعة الكلام هيبقا كتير عشان لاازم بلتفصيل فمعلش يعنى للى خلقو ديق
المكثفات
مبدئيا كدا المكثف بيتكون من لوحتين او بمعنى اصح موصلين بتقبل التوصيل الكهربى طبعا بيبقا بينهم عازل
بختصار شديد المكثف عنصر كهربائى مهمتو تخزين الشحنة الكهربية وتنعيم التيار وحدة قياسو الميكروفارد
اعراض عطل المكثف
بتلااقى المكثف فى حالة انتفاخ كانو واكل بطتتين شاربين فوار زى بوحة كدا
او تلاقية منفجر ودا ديما بيبان علية العطل بتلاقى المكثف مفتوح من فوق ومخرج حتة صوفة كدا لونها اصفر لما تلااقى كدا يبقا المكثف علية العوض
طريقة التغيير؟
خلاص بقا احنا بقينا كبار على الكلاام دا للى متابعنى وعموما الجديد يعرف ان التغيير لاازم يكون نفس الرقم بلزبط دا افضل يعنى
لو ملقتش خالص يعنى ممكن تجيب نفس المكروفارد والفولت اعلى من التالف مش مشكلة بس ميكنش عالى اوى المهم ميقلش
بس مبرجحش العملية دى
بنسبة لللاعطال
الشاشة قاطعة باور خالص يعنى مبتشتغلش
الشاشة تشتغل وتفصل
دا بختصار يعنى بس هشرح ازاى تصلح وتعرف العطل وكل حاجة فى اللاخر

تانى حاجة
الدايود
الدايود دا شكلو بيبقا اسود ولية طرفين سالب وموجب وطبعا لية قطبية زى المكثفات يعنى مش هبا عطل هبا تركب واحد مكانو وخلاص فى اى حتة لا الموضوع مش فرح
الدايود دا مهمتو اية حطينو زينة مثلا ؟ حسنة مثلا ؟ اكيد لا
لا مهمتو انو بيخلى التيار يمشى فى اتجاة واحد ومييخلهوش يرجع تانى
من الشرح دا معنا ة انو لية قياس مدام بيمشى فية التيار فى اتجاة واحد يبقا اكيد لية قياس مرة واحدة طريقة القياس ازاى ؟
وضع اللافوميتر على وضع الجرز
وتقيس من الناحيتين فى كل مرة تعكس الموئشرات
لو سليم هيقيس معاك مرة واحدة بس من 200 الى 700 يبقا زى الفل
ومن الناحية التانية مش هيقيس هيديك رقم واحد تاكد انو سليم
لو تالف هتسمع احلى جرز او يقيس من الناحيتين اهم حاجة لاازم ونتا بتقيس يكون برة الدائرة يعنى تفصل طرف من البوردة على اللاقل
طريقة التغيير
لاازم يكون نفس الرقم بلزبط
اللاعطال بتاعتو اية ؟
برضو من اشهر اعطالو الشاشة قاطعة باور خالص
تالت حاجة
ثنائى زينر
شبة الدايود بس بيختلف فى الخصائص بتاعتو بيبقا علية شوائب زيادة شوية
الشكل بيبقا مصنوع من ازاز زجاج يعنى وبيبقا ملون
نادر على فكرة اما بتلاقية تالف
وعموما طريقة القياس نفس الدايود العادى بس اللالوان بتاعتو بدل على قيمة الفولتية ودا موضوع يطول شرحو ومش مهم اوى يعنى

الترانزستور
قطعة ليها تلت رجول كل رجل فيها فيها مادة شبة موصلة زى الدايود يعنى
الون اسود. مكان وجودو بيبقا مع المكثفات الصغير وبتلااقى علية مشتت حرارى للان حرارتو بترتفع بسرعة
بيتكون من القاعدة , الجامع , المشع
القاعد : هى عبارة عن مادة الكربون متخلطة بمادة البورون ر
الجامع : عبارة عن مادة الكربون برضو مع مادة الزرنيخ
المشع : نفس تركيب الجامع بس متضاف علية زرنيخ زيادة

طريقة القياس معا انى شرحتها قبل كدا بس هشرحها للان فى اختلااق صغير حابب اوضحو
اللافو ميتر على وضع الزغروتة الزمارة يعنى
وهتجيب الموشر اللاحمر على القاعدة الى هيا الحتة العريضة الى فى الترانزيستور وتقلب بلطرف التانى على الطرفين التاننين
والعكس برضو
اللاربع قياسات دول هيقيسو معاك مرة واحدة بس ودا معناة انو سليم
برضو 200 الى 700 زى الفل
الملااحضة بقا الى عايز اعرفهالكم الجديدة
ان الموضوع دا يمشى مع اى ترانزستور معادا النوع الى هقلكم علية دلوقتى
الترانستور دا هتلااقى منو اتنين تقريبا فى الباور على حسب التصميم
هتلااقى منحوت علية علاامة سهمين داخلين فى بعض كدا على القطعة السودة دا معناة انو بيقيس من نحيتين
يعنى لو حطيت المؤشر اللاحمر على القاعدة وقلبت بللاسود على اللاتنين التاننين هيقيس معاك نفس القياس من 200 الى 700
العكس بقا مش هيقيس ودا معناة انو سليم
سمعت صوت جرز يبقا تالف
طريقة التغيير لاازم نفس الرقم بلزبط
اللاعطال
برضو بيقطع البوردة باور وبيتسبب فى انفجار المكثفات الكبيرة
الفيوز
عبارة عن سلك معدنى واصل من الطرفين مهمتو انو بيفتح التيار فى الديرة او بمعنى اصح هوا الكوبرى بين الداوئر مع بعضها مهمتو برضو انو يحمى الدائرة من ارتفاع التيار
القياس على وضع الجرز هيصفر من النحيتين طبعا
لو مصفرش يبقا تالف وعموما تلفو بيبقا باين علية انو محروق
اعطالو
قطع الشاشة باور برضو
التغيير اى فيوزن نفسو لو عايز تنصب على الزبون احقر حتة سلكة عندك وصلها من النحيتين وخلصت اليلة ههههههه اوعا حد يعمل كدا عشان مع ارتفاع الحرارة بينقطع ركب فيوز احسن خيلك جدع


المحولات
عبارة عن جهاز متركب من ملفين واحد مدخل والتانى مخرج مهمتو رفع او خفض الجهد المتردد التغيير لاازم يكون نفس القيمة بلزبط

نادر جدا اما بيتلف طبعا
جدا جدا كمان
طبعا اعطالو ان الباور مش هيشتغل وتاكد انو لو عطلاان هتلااقى اغلب محتويات الباور عطلاانة كلها بس مبيتلفش يعنى متقلقوش
الملفات
مهمتها بتولد تيار مغناطيسى عشان تخفض التيار
نادر جدا برضو اما بتتلف
اعطالها مش كتير يعنى بس هيخلى الشاشة مش مستقرة يعنى تشتغل وتفصل
طريقة التغيير هتغيرو بواحد زيو يكون نفس عدد الفات
القياس على وضع الجرز هيديك جرز من الناحييتن يبقا شغال

المقاومة
البش مهندس اسامة شارحها بطريقة سهلة جدا فى المنتدى فى مبادى اللالكترونيات
اعزرونى مكتبتهاش للانى مش هلااقى شرح احسن من الطريقة الى قدمهالكم
بنسبة بقا لللاعطال لو كانت فيها شورت هتقطع الشاشة بور برضو انما لو كانت مقاومتها قالة شوية او تالفة يعنى بس مش شورت الشاشة هتشتغل عادى انما هتلااقى اللاوان بايضة شوية مثلا فى لغوشة فى الشاشة ودى من اشهر اعطال المقاومات
طريقة التغيير واحدة نفس القيمة بتاعت التالفة بلزبط

دائرة التوحيد
الدايرة دى مهمتها انها بتوحد التيار بين كل التدوائر يعنى بتربط بين الداوئر
ملهاش قياس الا بجهاز اللاسلوسكوب
اعطالها الشاشة تشتغل بس مفيش بيانات عليها
ودا معناة ان الخرج بتاع البور مش مزبوط
التغيير واحدة نفسها بلزبط
ونادة جدا اما بتتلف على فكرة
كدا بقا خلصنا الشرح النضرى الى المفروض تعرفو وتفهموك ويس عشان تعرف تصلح الشاشة
نبدا بقا فى الجزء العملى
معلومات مهمة قبل الصيانة
دلوقتى انتا جتلك شاشة وعايز تصلحها فتحت الشاشة لقيت المكثفات ضاربة مثلا
طبعا حضرتك هتقوم قايل للزبون شقلب نفسك فى 60 سبعين جنية وتعالى استلمها بكرة وتيجى بعد متركب المكثفات بسليمة الشاشة متشتغلش او تفوجى ان المكثفات ضربت او مشتغلتش
الموضوع مش سهل كدا زى منتو فاهمين لاازن اما تجيلك الشاشة والموضوع دا بيستخدم بخوصو اللابكترونيات بصفة عامة وخصوصا الباور صبلااى
انك لاازن تعرف اية سبب العطل الى خلى المكثفات دى ضربت وتكشف عن الدائرة المتلقة بلمكثفات زى مثلا الدايود والمقومات وكل ما يتعلق بلدايرة دى عشان تعرف اية السبب فى العطل
نبدا بقا فى العملى
اللاعطال
الشاشة مبتشتغلش يعنى مبتقمش باور خالص
توكل على الله تفتح الشاشة وتفتح الغطا بتاع الباور صبلااى بتاع الشاشىة
الى بيسبب العطل دا الفيوز والمكثفات والدايود والترانزيستور
هتقلى هوا انا هكشف على كل دول هقلك لا يا عم المستعجل

هتلااقى الفيوز ضارب اول حاجة النضرة الفاحصة ولو نضرك ضعيف عدسة وضيعة بخمسة جنية من عند عبدو بتاع الطعمية المهم تشوف المكثفات سليمة يبقا فل ضاربة هات زيها بس متركبش دلوقتى
هتعمل اختبار اللاول للدايود اللاسود الموجود تتاكد انو سليم قبل كل حاجة
وبعديها ركب السليم بدل التالف وانشاء الله هتشتغل زى الفل
لو مشتغلتش يبقا العيب من الترانزيتورات هتلااقى واحد فيهم تالف غيرو بواحد نفسو

العطل التانى
الشاشة بتشتغل وبتفصل
غالبا بيبقا من المكثفات بس لو لقيتها سليمة يبقا اكيد فى دايود شورت او مقاومة فى دائرة الترانزستورات تالفة
طبعا مهم جدا قبل متشغل تتاكد من الحجات الى قلتها فى اللاول
عشان تضمن ان الحجات الى هتركبها متتلفش
لو لقيت الفيوز تالف لاازم تفحس المقاومة الفيوزية ودى بتلااقيها قريبة من الفليوز ورمزها
V
اعطال متنوعة ومعرفة سبب العطل
الشاشة مبتشتغلش والفيوز محروق وكل متركب فيوز يتحرق
العطل دا ا نفى شورت فى المكونات الواصلة بلملف اللاولى لمحول اللاشارة مثلا ثنائى زين راو مكثفات الترشيح او الترانزستورات

الشاشة مبتشتغلش برضو معا ان كل الدائر سليمة
الحل
تفريغ الشحنة الموجودة فى المكثفات كلها بمفك
وانشاء الله هتشتغل

الشاشة مبتشتغلش برضو مع ان كل الدوائر سليمة
هقلو لحضرتك ا نفى مكثفات قريبة من المحول الى هيا حجمها صغير هتلااقى فيهم واحد شورت او اوبن
طريقة القياس بطريقة فرق الجهد
تضبط اللافو ميتر على وضع الفولت وتشتغل الشاشة وتقيس الفولتية لو لقيتها بينخفض الى قيمة اقل فى كل طرف او لما تفصل الكهربة تلاقى انم فيش فرق جهد فى المكثفات يعنى مفيش فولتية يبقا المكثفات تالفة وعايزة شوية حنية
حنية مش تعد تطبطب عليها تغيرها بواحد جيدة
دى كل اللاعطال الى بتخص دائرة الباور وهيا طبعا تعتبر بنسبة 99 فى المية من الشاشة كلها
والواحد فى المية الباقيين يعتبر و فى الماذر بورد بتاعت الشاشة وعلى فكرة اعطالها نادرة جدا وعموما هشرحها قريب
وكدا انتا تقدر تصلح اى شاشة
Lcd
ومش كدا وبس انتا عرفت اعطال الكترونية بنسبة 95 فى المية بدون مبالغة للان الباور صبلاى هوا المحرك بتاع الشاشة
وتقدر برضو تصلح الباور بتاع الكمبيوتر بكل سهولة طبعا
دا طبعا لو فهمت الكلام داك ويس وطبقتو عملى وطبعا مع الخبرة هتبقا مية مية
انشاء الله الموضوع تكملة الموضوع الى هوا الوحة بتاعت الشاشة هيبقا قريب وعلى فكرة دى لوحة صغيرة جدا واعطالها سهلة جدا وممكن متخدش اكتر من تلت ورقات شرح
المهم دلوقتى هوا دائرة البور الى هيا الشاشة من اللاخر
ويا رب كلامى وشرحى يبقا خفيف والكل يستوعبو
ويا رب اكون عوضت غيابى الطويل دا بموضوع كويس
وتحياتى للجميع